غزني ولايت کی ۱۰۰۰ اړمنو کورنیو ته د افغاني سرې میاشتې له لوري د مرستې ویش پیل شو!
نن سه شنبه د روان ۱۴۰۰ لمریز کال د سلواغې پر ۱۲مه غزني ولایت کې د افغاني سرې میاشتې له لوري ۱۰۰۰ اړمنو او بې سرپرسته کورنیو ته د خوراکي او غیر خوراکي توکو مرسته ویشل پیل شول. له یاد شمېر مرستې څخه نن د اندړو ولسوالۍ ۴۰۰ اړمنو کورنیو ته د غزني ولایت د سرې مياشتې د رياست په انګړ کې مرسته وویشل شوه. ټاکل شوې د غزني مرکز شاو خوا سيمو ٦۰۰ اړمنو کورنيو ته به سبا او بله ورځ مرسته وويشل شي.
په دې مرسته کې هرې کورنۍ ته د البسې د بېلابېلو توکو یو بیک، ۱۲۰ کیلو اوړه، درې کارتنه خوراکي توکي او دوه کمپلې شاملې دي.
