سرپرست سکرتر جنرال د ترکیې سرې میاشتې او سفارت له مسئولینو سره د راستنېدونکو کډوالو د لاسنيوي په موخه وکتل!
سرپرست سکرتر جنرال د ترکیې سرې میاشتې او سفارت له مسئولینو سره د راستنېدونکو کډوالو د لاسنيوي په موخه وکتل!
نن پنجشنبه د شوال میاشتې پر ۱۲مه، د افغاني سرې میاشتې سرپرست سکرتر جنرال ښاغلي مولوي روح الله عبدالسلام په خپل کاري دفتر کې په افغانستان کې د ترکیې سرې میاشتې له مسئول ښاغلي نعیم کریمي او د سفارت له ځينو مسئولینو سره له ګاونډيو هېوادونو د راستنېدونکو کډوالو ستونزو ته د حل لار موندلو او هغوی ته د ورځني ژوند برخه کې د اسانتیاوو برابرولو په موخه ناسته ترسره کړه.
د افغاني سرې میاشتې سرپرست سکرتر جنرال د ناستې ګډونوالو ته د راستنوشویو کډوالو کورنیو د وضعیت او شته ستونزو په اړه د معلوماتو وړاندې کولو سربېره له هغوی غوښتنه وکړه، ترڅو له افغاني سرې میاشتې سره د کډوالو په لاسنيوي او ملاتړ کې ونډه واخلي.
ورپسې ياد پلاوي د افغاني سرې میاشتې له لوري د ترسره کېدونکو بشرپالو خدماتو او فعاليتونو له هڅو ستاینه وکړه او له دې خیریه ملي ټولنې سره یې د کډوالو د لاسنیوي برخه کې د په بشپړې همکارۍ ډاډ څرګند کړ.
