د افغاني سرې میاشتې له لوري بغلان کې ۲۵۰ نورو کورنیو ته د خوراکي توکو مرسته وویشل شوه!
د روان ۱۴۰۰لمریز کال د لیندۍ پر ۲۵مه د بغلان ولایت د مرکزي بغلان ولسوالۍ په قرآ قنغرات، چپسای، بسکم، لایقه، بای سقال، نوروزک، شیخ جلال، عظیم شور، تیموری، دشت گبر، چهارشنبه تیپه، مغلها و چم قلعه کلیو
کې د افغاني سرې میاشتې له لوري ۲۵۰ اړمنو کورنیو ته د خوراکي توکو مرسته وویشل شوه. د یادو اړمنو کورنیو سروې څه موده مخکې د افغاني سرې میاشتې د سروې د ټیم له لوري شوې وه. ټاکل شوې، چې په یاده ولسوالۍ کې پاتې ۱۵۰ نورو سروې شویو کورنیو ته به هم زر پاتې مرسته وویشل شي.
په تېرو پینځه ورځو کې د افغاني سرې میاشتې له لوري د بغلان ولایت په دهنه غوري او مرکزي بغلان ولسوالیو کې شاوخوا نورو کلیو ۱۰۵۰ اړمنو کورنیو ته هم مرسته ویشل شوې ده. په یادو مرستو کې ۸ قلمه خوراکي توکي شامل دي، چې ۵۰ کیلو اوړه، ۲۵ کیلو وریژې، ۱۰ لیتره غوړي، ۱ کیلو شین چای، ۵ کیلو بوره، ۷ کیلو لوبیا ، ۲ کیلو مالګه او یو ډبی BP5 بسکټ شامل دي.
