د لوړو زده کړو له سرپرست وزیر سره د افغاني سرې میاشتې ټولنې د سرپرست رئیس ښاغلي مولوي مطیع الحق خالص لیدنه!
نیټه:۴/۸/۱۴۰۰
د افغاني سرې میاشتې ټولنې سرپرست رئیس ښاغلي مولوي مطیع الحق خالص د افغاستان د اسلامي امارت د لوړو زده کړو له سرپرست وزیر ښاغلي شیخ مولوی عبدالباقي حقاني سره په خپل کاری دفتر کي وکتل.
په یاده لیدنه کې د افغاني سرې میاشتې ټولنې عمومي رئیس ښاغلي مولوي مطیع الحق خالص او لوړو زده کړو سرپرست وزیر ښاغلي شیخ مولوی عبدالباقي حقاني د بیلا بیلو موضوعاتو ترڅنګ د ملي ټولنې د کارکوونکو د لوړو زده کړو په اړه هم خبرې اترې وشوې، چې د لوړو زده کړو سرپرست وزیر د سرې میاشتې له هغه کارکوونکو سره د لوړو زده کړو د زمینې برابرولو ژمنه وکړه، چې د لوړو زدکړو لیوالتیا لري.
د افغاني سرې میاشتې ټولنې سرپرست رئیس ښاغلي مولوي مطیع الحق خالص د لوړو زده کړو له وزیر ښاغلي شیخ عبدالباقي حقاني څخه مننه وکړه، چې سرې میاشتې ته یې تشریف راوړی وو او همدارنګه یې د خیرپاله ملي ټولنې سره د کارکوونکو د لوړو زده کړو په ترلاسه کولو کې د مرستو ژمنه وکړه.
