د افغاني سرې میاشتې ټولنې د کوید۱۹ – ۵۰ بستریز روغتون ارزیابي!
د افغاني سرې میاشتې ټولنې د کوید۱۹ روغتون د کړنو او راتلونکو فعالیتونو د څرنګوالي په اړه د ارزیابۍ ناسته د افغاني سرې میاشتې ټولنې د سرپرست ریسې آغلې ډاکتر نیلاب مبارز، د سکرترجنرال د مرستیالانو، « په افغانستان کې د سره صلیب د نړیوالې کمیټې، د ملي ټولنو او سره صلیب د نړیوال فدراسیون او ناروې سره صلیب » د استازو، د مرکزي دفتر د ریسانو او یاد روغتون د کارکوونکو په ګډون سره، نن چهارشنبه د روان ۱۳۹۹ کال د کب پر ۲۷ نیټه تر سره شوه.
غونډه د ملي ټولنې د سرپرست ریسې آغلې ډاکټر نیلاب مبارز په خبرو پیل شوه، چې ورپسې د افغاني سرې میاشتې ټولنې د کوید۱۹ روغتون رئیس ښاغلي ډاکټر جواد ابراهیمي د یاد روغتون د کړنو په اړه خپل تیار کړی پرزنټیشن ارایه او د کوید۱۹ روغتون په اړه یې مالومات وړاندې کړل.
د یادونې وړ ده چې په یاده غونډه کې د افغانستان د طبي شورا مشرې آغلې ډاکټر نسرین اوریاخیل، په بهر کې میشت ډاکټر زرمتي او د داخلي ناروغیو متخصص ډاکټر اسحاق جواد هم په آنلاین بڼه خپل اندونه شریک کړل.
د غونډې په پای کې پریکړه وشوه؛ ترڅو د افغاني سرې میاشتې ټولنه د افغانستان د روغتیا وزارت او افغانستان د طبی شورا سره د یاد روغتون د کړنو پر څرنګوالي د ورستیو پریکړو په موخه ناستې ولري.
