د سرې میاشتې د حضرت ابوبکر صدیق(رض) روغتیایي کلینیک ته د عامي روغتیا وزارت له لوري د ستاینلیک ورکړه!
په هرات ولایت کې د افغاني سرې میاشتې ټولنې د ابوبکر صدیق(رض) له بنسټیز روغتیایي مرکز څخه د هیواد د عامي روغتیا وزارت له لوري د غوره او معیاري روغتیایي خدمتونو د وړاندې کولو په پار د ستاینلیک په ورکولو سره قدرداني وشوه.
د افغانستان د روغتیا ملې اسټیټیوټ د روغتیا لوړونې مسؤل ښاغلي ډاکتر دهګان و ویل: د افغاني سرې میاشتې ټولنې دغه روغتیایي مرکز د عامې روغتیا وزارت له لوري د یوه نمونه وي روغتیایي مرکز په توګه منل شوی، چې د ټولو روغتیایي معیارونو په رڼا کې بشرپاله روغتیایي خدمتونه وړاندې کوي..
