د افغاني سرې میاشتې ټولنې په مرستونونو کې د په ځانبسیاینې ٥٥ تولیدې پروژې پرانیستل شوې!
د افغاني سرې میاشتې ټولنې د کویټ د سرې میاشتې په مالي او د نړیوال فدراسیون په تخنیکي ملاتړ سره په ( کابل، هرات، بلخ، ننګرهار، کندهار او بامیان) مرستونونو کې د ٨٤١ کونډو او معلولو میرمنو لپاره د په ځانبسیاینې ٥٥ تولیدي پروژې(صابون جوړونه، عصري خیاطي، افغاني ګنډ، هزارګي ګنډ، خامک دوزي، ګراف دوزي، جالي اوبدنه، مالداري، مرغداري، د مربا جوړونه، د رومي بانجانو څخه روب جوړونه او ...) د افغاني سرې میاشتې ټولنې د سکرټرجنرالې آغلې ډاکتر نیلاب مبارز او په افغانستان کې د سرې میاشتې او سره صلیب د نړیوال فدراسیون د ریس ښاغلي پییر په حضور کې د روان ١٣٩٩ لمریز کال د لړم پر ١١ نیټه پرانیستل شوې.
د یادونې وړ ده چې دغه پروژې د (٢٤٧٢٥٠) دوه لکه، اووه څلویښت زره، دوه سوه او پنځوس امریکایي ډالرو په ارزښت سره د کابل مرستون له لوري پلې کیږي، چې هرې کورنۍ ته د ١١٥ امریکایي ډالرو په ارزښت د پروژې سره سم اړین توکې اخیستل کیږي.
