په کابل ولایت کې ” ۱۱۲۹ “ کورنیو ته د افغاني سرې میاشتې ټولنې له لوري د مرستو ویش!
د افغاني سرې میاشتې ټولنې د کابل څانګې له لوري د روان ۱۳۹۹ لمریز کال د وږي پر پنځه لسمه نیټه د کابل په بیلابیلو سیمو کې «۱۱۲۹» سیلاب ځپلیو، معلولو، یتیمو او بیځایه شویو کورنیو ته د اوه قلمه خوراکي توکو(وریژو، غوړیو، لوبیا، مالګې، بورې، جایو او بسکویټو) د ویش لړۍ پیل شوې، چې درې ورځې به دوام وه مومي.
د یادونې وړ ده چې د ویش پر لومړۍ ورځ په موسهي او چهار آسیاب ولسوالیو، د پنځمې حوزې په آب رسانۍ او د څوارلسمې حوزې په قلعه حیدرخان سیمو کې «٤٠٠ » یادو کورنیو او پر دوهمه ورځ هم د کابل ښار په یوشمیر نورو سیمو لکه: اتفاق ښارګوټي، ده سبز او شپږمه حوزه کې له «۴۶۰ » کورنیو سره د ذکرشویو خوراکي توکو مرسته وشوه، چې پاتې هغوی ته به سبا دوشنبه د یادو توکو په ویش سره دالړۍ بشپړه شي.
