بامیانو کې د شونډو او تالو چاود لرونکو ۲۰۰ ماشومانو ته وړیا جراحي عملیات ترسره شول

arcs_website_admin
Sat, Nov 21 2026 2:25 PM
K

شنبه، ۱۰ جمادى ‌الآخره ۱۴۴۸

د جرمني هېواد د شونډو او تالو چاود په برخه کې متخصصو روغتیاپالانو د آغا خان بنسټ په ملاتړ په بامیان ولایت کې د دغو ناروغیو لرونکو ۲۰۰ ماشومانو وړیا جراحي عملیات ترسره کړل، چې له جملې یې ۷۵ تنه هغه ناروغ ماشومان دي چې د درملنې لپاره یې د افغاني سرې میاشتې په مرکزي روغتون کې نوم ‌لیکنه کړې وه.

په همدې تړاو، د افغاني سرې میاشتې مرستیال حافظ عزیزالرحمن په مرکزي دفتر کې د جرمني د متخصصې ډلې له مشر ډاکټر هاینریش شون آیش، مرستیال ډاکټر ماکسیمیلیان هېسېناوئر او مل پلاوي سره وکتل.

حافظ عزیزالرحمن د جرمني متخصصو روغتیاپالانو د ترسره کړي خدمت ستاینه وکړه او د افغاني سرې میاشتې د روغتیايي خدمتونو په اړه یې معلومات شریک کړل. نوموړي ډاډ ورکړ چې افغاني سره میاشت د خپلو امکاناتو په چوکاټ کې د روغتیايي خدمتونو د وړاندې کولو په برخه کې له متخصصو ډلو سره هر ډول همکارۍ او اسانتیاوو ته چمتو ده.

د جرمني د متخصص پلاوي مشر، باميان ولایت کې د شونډو او تالو چاود ناروغانو د درملنې او عملياتو په اړه معلومات شریک کړل او خوښي یې څرګنده کړه چې د بامیان ولایتي روغتون کې یې په بریالیتوب سره د ماشومانو عملیات ترسره کړل.

هغه وویل، موږ د خپلو روغتیايي خدمتونو ډېره برخه په لرې پرتو سیمو کې وړاندې کوو، په ځانګړي ډول هغو سیمو کې چې خلک یې روغتیايي خدمتونو ته محدود لاسرسی لري. نوموړي زیاته کړه، موږ په کال کې یو یا دوه ځل افغانستان ته راځو او د دوو اوونیو په موده کې اړمنو ناروغانو ته روغتیايي خدمتونه ترسره کوو. جرمني متخصصانو د افغاني سرې میاشتې د بشري او روغتیايي خدمتونو ستاینه وکړه او د روغتیايي خدمتونو په برخه کې یې له افغاني سرې میاشتې سره د لا زیاتو همکاریو لېوالتیا څرګنده کړه.

افغاني سره میاشت د روغتیايي خدمتونو د پراختیا او هغو ناروغانو ته د درملنې د اسانتیاوو د برابرولو په موخه چې په لرې پرتو سیمو کې ژوند کوي، له کورنیو او نړیوالو روغتیايي بنسټونو او متخصصو ډلو سره د همکاریو د پیاوړتیا هڅې کوي.

Latest news

Sat, Nov 21 2026 2:22 PM
Background image

Free Surgery Performed on 200 Children with Cleft Lip and Palate in Bamyan

Saturday, November 21, 2026

 

A team of German medical specialists in cleft lip and palate treatment, with support from the Aga Khan Foundation, performed free surgeries on 200. . .

Sat, Nov 21 2026 9:23 AM
Background image

Kabul: Four-Day Training on Financial Procedures Launched for 32 Staff Members

Saturday, November 21, 2026

 

The ARCS, at the initiative of its Finance Department, has launched a four-day training workshop on financial management and procedures for 32 staff. . .

Sat, Nov 21 2026 7:47 AM
Background image

Zabul: AFN 8.75 Million in Cash Assistance Provided to 700 Affected Families

Saturday, November 21, 2026

 

The ARCS has distributed AFN 8.75 million in cash assistance to 700 conflict-affected families in Zanjir village, Shamulzayi District of Zabul Province.

. . .

BACK TO NEWS