غزني کې له ۱۳۰۰ راستنو شوو کورنیو سره څه باندې ۲۲ میلیونه افغانۍ نغدي مرسته وشوه
شنبه، ۶ رجب ۱۴۴۷
د غزني ولایت په مرکز او جاغوري ولسوالۍ کې افغاني سرې میاشتې له ۱۳۰۰ راستنو شوو کډوالو کورنیو سره دوه ویشت میلیونه او سل زره (۲۲،۱۰۰،۰۰۰) افغانۍ نغدي مرسته ترسره کړه، چې هرې کورنۍ ته ۱۷ زره افغانۍ ورکړل شوې.
تمه ده، چې دغه نغدي مرسته د یادو کورنیو لپاره د ورځنیو او بېړنیو اړتیاوو په پوره کولو کې اغېزمنه تمامه شي.
د یادونې وړ ده، چې څه موده وړاندې هم پر یادو کورنیو ۱۹ نیم میلیونه افغانۍ وېشل شوې وې.
افغاني سره میاشت د پېښو پر مهال د هېوادوالو د لاسنیوي سرچینه ده.
