کندهار کې د سرې میاشتې له لوري له ۵۰۰ بې وزلو کورنیو سره د خوراکي توکو مرسته وشوه!
پرون د یکشنبې په ورځ په ۱۴۰۰/۹/۲۱ نېټه په کندهار ولایت کې د ښار په نهمه ناحیه کې د افغاني سرې میاشتې له لوري ۵۰۰ وچکالۍ ځپلو، جنګ ځپلو، بې ځایه شویو او بې سرپرسته کورنیو سره د خوراکي توکو مرسته وشوه. ټاکل شوې ده، چې په روانو اته ورځو کې به په کندهار ولایت کې ۴۰۰۰ اړمنو کورنیو ته هره ورځ د ۵۰۰ خوراکي توکو بستې ویشل کېږي.
په یاده مرسته کې اته قلمه خوراکي مواد شامل دي، چې په کې ۵۰ کیلو اوړه، ۲۴.۵ کیلو وریژې، ۱۰ لیتره غوړي، ۵ کیلو بوره، ۷ کیلو لوبیا، ۱ کیلو شین چای، ۳ کیلو مالګه او ۱ پاکټ BP5 بکسټ شتون لري. یاده مرسته د نړیوال فدراسیون له لوري چمتو شوې او ټاکل شوې، چې له مهالوېش سره سم به په هلمند ولایت کې ۳۰۰۰ اړمنو کورنیو او همدا رنګه په ارزګان کې به هم ۳۰۰۰ اړمنو کورنیو ته وویشل شي.
