د افغاني سرې میاشتې مرستیال د کندهار له والي سره وکتل
چهارشنبه، ۲۹ ربیع الآخر ۱۴۴۷
د افغاني سرې میاشتې مرستیال ښاغلي حافظ عزیز الرحمن د یوه پلاوي په ملتیا کندهار ته د سفر په ترڅ کې د ولایت له والي ښاغلي ملا شیرین اخند سره د یو شمېر مهمو موضوعاتو په تړاو وکتل.
کتنه کې ښاغلي حافظ عزیزالرحمن د افغاني سرې میاشتې د بشري، روغتیايي او ښوونیزو خدمتونو په اړه معلومات وړاندې کړل او کندهار کې یې د اړمنو، بې سرپرسته کورنیو د لاسنیوي او د رواني ناروغانو د درملنې بهیر د چټکتیا او پراختیا ژمنه وکړه.
ښاغلي والي، د افغاني سرې میاشتې بشري او روغتیايي خدمتونه د افغان ولس لپاره اغېزمن یاد کړل او ددې خیریه ملي ټولنې د بشرپالو فعاليتونو د بشپړ ملاتړ ډاډ يې څرګند کړ.
