د اسلام قلعه او میلک بندرونو له لارې راستنېدونکو کډوالو سره د افغاني سرې میاشتې دوامداره بشري او روغتيايي مرستې
سې شنبه ، ۱۹ محرم الحرام ۱۴۴۷
د افغاني سرې میاشتې د کارکوونکو او رضاکارانو له لوري، د هرات ولایت په اسلام‌قلعه بندر او نیمروز ولایت په میلک بندر کې له ایران څخه راستنو شوو کډوالو ته د پخو خوړو او څښاک اوبو ترڅنګ روغتیايي خدمتونه دوام لري.
په سيمه کې نن ورځ د ګرځنده روغتیايي ټیمونو له لوري سلګونو کډوالو ته روغتیايي خدمتونه وړاندې شوي او هرات کې پر ۴ زرو او نيمروز ولايت کې پر ۵۰۰ تنو تازه راستنو شوو کډوالو پاخه خواړه او د څښاک پاکې اوبه وېشل شوي دي.
