د کارموندنې خبرتيا!

د دندې عنوان: د پښتو او ریاضي ښځینه ښوونکې

اړونده اداره: د افغاني سرې میاشتې ټولنه

د دندې ځای: کندهار، ننګرهار، پکتیا

د بست ډول: قراردادي

د بستونو شمېر: ۳

جنسیت: اناث

کاري وخت: پوره ورځ

د معاش کچه: د افغاني سرې میاشتې د معاشونو له تګلارې سره سم

د بست کوډ نمبر : کندهار (hr@0347)، ننګرهار (hr@0348)، پکتیا (hr@0349)

د اسنادو د استولو وروستۍ نېټه:

١۴۴۸/۵/۱۵

۱۴۰۵/۸/۵

2026/27/Oct

 د دندې موخه: 

د پښتو او ریاضي ښوونکی دنده لري چې د پروژې تر پوښښ لاندې د مرستون په مرکزونو کې تر اووم ټولګي پورې زده‌کوونکو ته د ریاضي او پښتو ژبې منظم، ټول‌شموله او د زده‌کوونکو د عمر او زده‌کړې له کچې سره سم تدریسي پلان جوړ او عملي کړي.

ښوونکی به د منظور شوي تعلیمي نصاب او د مرستون د ښوونې او روزنې پروژې د موخو مطابق د زده‌کوونکو د پوهې، تحلیلي فکر، ستونزو د حل، لوستلو، لیکلو او عملي زده‌کړې مهارتونو په پیاوړتیا کې مرسته کوي.

۳. دندې او مسؤولیتونه

الف. زده‌کوونکو ته د ریاضي تدریس

· له لومړي څخه تر اووم ټولګي پورې د ریاضي مضمون تدریس او درسي مواد چمتو کول.

· د زده‌کوونکو د عمر او زده‌کړې له کچې سره سم درسي پلانونه، ښوونیز مواد، تمرینونه او صنفي فعالیتونه کارول.

· د زده کوونکو د زده‌کړې له کچې سره سم د ریاضي موضوعات تدریس کول، لکه شمېرې، حسابي عملیات، کسرونه، اعشاري شمېرې، اندازه‌ګیري، هندسه، عددي الګوګانې او د ساده ستونزو حل.

· د عملي بېلګو، تشریحي ښودنو، تمرینونو او متقابلو ښوونیزو لارو چارو له لارې د ریاضي مفاهیم روښانه کول.

· د زده‌کوونکو د عمر، زده‌کړې د کچې او انفرادي اړتیاوو مطابق د تدریس لارې چارې برابرول.

· د انفرادي او ډله‌ییزو تمرینونو، د ستونزو د حل فعالیتونو، بحثونو او عملي زده‌کړو له لارې د زده‌کوونکي ګډون ته هڅول.

· د زده‌کړې د ارزونې لپاره ازموینې، کورنۍ دندې، صنفي تمرینونه او منظمې ارزونې ترسره کول.

· د زده‌کوونکو د حاضرۍ، ګډون، پرمختګ او زده‌کړیزو پایلو څارنه کول. 

· هغو زده‌کوونکو ته چې انفرادي کار ته اړتیا لري د زده کړو زمینه برابرول. 

ب. زده‌کوونکو ته د پښتو ژبې تدریس

· تر اووم ټولګي پورې د پښتو ژبې درسونه پلانول او تدریس کول.

· د لوستلو، لیکلو، املا، ګرامر، لغتونو، د مطلب د درک، انشا او شفاهي اړیکو مهارتونه په برخه تدریس کول.

· د زده‌کوونکو د عمر او زده‌کړې له کچې سره سم د لوستلو مواد، تمرینونه او صنفي فعالیتونه چمتو کول او کارول.

· د روان لوست، سمې لیکنې، د مطلب د درک او اغېزمنې اړیکې نیولو د مهارتونو په پیاوړتیا کې له زده‌کوونکو سره مرسته کول.

· د زده‌کوونکو د عمر، زده‌کړې د کچې او انفرادي اړتیاوو مطابق د تدریس لارې چارې برابرول.

· د لوستلو، لیکنیزو فعالیتونو، بحثونو، ډله‌ییز کار او متقابلو زده‌کړیزو فعالیتونو له لارې زده‌کوونکي په فعالیتونو کې ګډون ته هڅول.

· د لوستلو او لیکلو تمرینونه او منظمې زده‌کړیزې ارزونې ترسره کول.

· د زده‌کوونکو د سواد او ژبنیو مهارتونو د پرمختګ څارنه او د اړتیا پر مهال اضافي مرسته برابرول.

ج. د ټولګي مدیریت او د زده‌کوونکو ملاتړ

· د درناوي، ټول‌شمولیت، د ماشومانو د اړتیاوو او جنسیتي حساسیت پر بنسټ د زده‌کړې مناسب چاپېریال رامنځته کول او ساتل.

· د ټولګي د مدیریت مثبتې لارې چارې کارول او د رغنده او غیر تنبیهي میتودونو له لارې نظم تأمینول.

· د تدریس داسې طریقې کارول چې د زده‌کوونکو ګډون، همکاري، پر ځان باور، انتقادي فکر او خپلواکه زده‌کړه پیاوړې کړي.

· د زده‌کړې پر وړاندې ستونزې پېژندل، مناسبه جبراني مرسته برابرول او د جدي ستونزو په صورت کې د ښوونې او روزنې مسؤول ته راپور ورکول.

· د صنفي موادو، ښوونیزو وسایلو او تدریسي سرچینو له سم استعمال او ساتنې څخه ډاډ ترلاسه کول.

· د افغاني سرې میاشتې ټولنې د اصولو مطابق د ټولو زده‌کوونکو د خوندیتوب، انساني کرامت او هوساینې ملاتړ کول.

د. پلان جوړونه، ارزونه او راپور ورکول

· د ښوونې او روزنې له څانګې سره په همغږۍ ورځني، اوونیز او میاشتني درسي پلانونه چمتو کول.

· د زده‌کوونکو د حاضرۍ، درسي فعالیتونو، ارزونو د پایلو او زده‌کړیز پرمختګ راپورونه ثبت او ساتل. 

· د زده‌کړې په برخه کې نیمګړتیاوې پېژندل او په ریاضي او پښتو کې د زده‌کوونکو د پرمختګ د اندازه کولو لپاره منظمې ارزونې ترسره کول.

· مناسب ښوونیز او مرستندویه مواد چمتو کول او کارول، لکه کاري پاڼې، تمرینونه، د لوستلو مواد، چارتونه او نور ښوونیز وسایل.

· خپل مستقیم مسؤول ته د تدریس او فعالیتونو منظم راپورونه سپارل.

· د زده‌کوونکو د زده‌کړیزو اړتیاوو، د نصاب د موادو، تدریسي وسایلو او پېژندل شویو ښوونیزو نیمګړتیاوو په اړه نظرونه او وړاندیزونه وړاندې کول.

هـ. همغږي او مسلکي مسؤولیتونه

· د ښوونکو په غونډو، روزنیزو پروګرامونو، ارزونو او د نصاب اړوندو فعالیتونو کې ګډون کول.

· د تدریس د یووالي او د زده‌کوونکو د مناسب ملاتړ لپاره له نورو ښوونکو سره همغږي کول.

· د نصاب د تطبیق، ښوونیزې ارزونې او د ښوونکو د ظرفیت لوړونې په فعالیتونو کې ګډون کول.

· له زده‌کوونکو، ښوونکو، د مرستون له کارکوونکو او اړوندو څانګو سره د مسلکي چلند او ښو کاري اړیکو ساتل.

· له زده‌کوونکو سره په ټولو تعاملاتو کې د خوندیتوب، محرمیت، انساني کرامت او نه تبعیض اصول مراعاتول.

· د اړوندې څانګې د ټولو وسایلو، موادو، تجهیزاتو او تأسیساتو مسؤولانه استعمال، ساتنه او خوندیتوب تأمینول.

· د مستقیم مسؤول له خوا د دندې اړوند نور سپارل شوي مسؤولیتونه ترسره کول.

اړینې زده‌کړې، وړتیاوې او کاري تجربه:

· په ریاضي، د ریاضي په ښوونه او روزنه، پښتو ژبه او ادبیاتو، ښوونې او روزنې یا اړونده څانګه کې د لیسانس/فوق بکلوریا سند یا منل شوې تحصیلي وړتیا لرل.

· په تدریس کې اړونده کاري تجربه درلودل؛ په ځانګړې توګه له ماشومانو یا تر اووم ټولګي پورې له زده‌کوونکو سره تجربه.

· د ریاضي او پښتو ژبې د تدریس له میتودونو سره ښه بلدتیا درلودل. 

· د درسي پلانونو په جوړولو، د زده‌کړې په ارزونه او د زده‌کوونکو د اسنادو په ساتنه کې عملي تجربه درلودل. 

· د عملي بېلګو او د زده‌کوونکو له عمر سره د مناسبو تدریسي لارو چارو له لارې د ریاضي د مفاهیمو د روښانه تشریح وړتیا درلودل. 

· د پښتو ژبې په لوستلو، لیکلو، املا، ګرامر، د مطلب په درک او اړیکو نیولو کې د زده‌کوونکو د مهارتونو د پیاوړتیا وړتیا درلودل. 

· د اړیکو نیولو، د ټولګي مدیریت او خپلمنځي اړیکو ښه مهارتونه درلودل.

· له ماشومانو، ښځو او زیانمنونکو ډلو سره د درناوي پر بنسټ د کار کولو وړتیا.

· په ښوونیزو، ټولنیزو یا د بشري مرستو اړوند ادارو کې د کار کولو تجربه امتیاز ګڼل کېږي.

· د کمپیوټر ښه مهارتونه، په ځانګړې توګه د مایکروسافټ آفیس له پروګرامونو سره بلدتیا، امتیاز ګڼل کېږي.

· په پښتو او دري ژبو بشپړ تسلط اړین دی؛ له انګلیسي ژبې سره بلدتیا امتیاز ګڼل کېږي.

۵. اساسي وړتیاوې

· د ریاضي د تدریس او ښوونیزو فعالیتونو د پرمخ وړلو مهارتونه درلودل.

· د پښتو ژبې د تدریس مهارتونه.

· د اړیکو نیولو او خپلمنځي اړیکو مهارتونه.

· د ټولګي د مدیریت وړتیا.

· د زده‌کړې د ارزونې او جبراني ملاتړ مهارتونه.

· د پلان جوړونې او تنظیم وړتیا.

· حوصله، زغم او له شرایطو سره د ځان برابرولو وړتیا.

· د ستونزو د حل او تحلیلي فکر مهارتونه درلودل. 

· ډله‌ییز کار او همغږي.

· د محرمیت او خوندیتوب د اصولو رعایت.

· ټولشموله او له تبعیض پرته زده‌کړې ته ژمنتیا درلودل.

ګرانو کاندیدانو!

د خپلو تعلیمي سندونو ( سي وي/لنډیز، تعلیمي اسنادو، کاري تخنیکي تجربو تصدیقونه او تذکره) پي ډي اف بڼه لاندې برېښنا لیک ته د ثبت په موخه و استوئ.

برېښنا لیک:

hr@arcs.af

د اړیکې شمېره: ‪‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬

0701436832

یادونه: دندې ته د نوم لیکنې او اېمېل آدرس د رالېږلو پر مهال، د اړونده بست عنوان او کوډ نمبر لیکل اړین او نا تکمیله اسناد د منلو وړ نه دي.