وردک ولایت کې د افغاني سرې میاشتې له لوري ۳۰۰ کورنیو ته مرسته ووېشل شوه!
نن پنجشنبه د روان 1400 لمریز کال د کب پر 12 مه نېټه د افغاني سرې میاشتې له لوري د وردک ولایت سید آباد ولسوالۍ 300 بېوزلو او اړمنو سروی شويو کورنیو ته د وردک سرې مياشتې په انګړ کې خوراکي او غیر خوراکي توکو مرسته د افغانې سرې مياشتې ټولنې سرپرست مرستيال ښاغلي مولوي نور الدين "ترابي"، مرکزي سويل لويديځ زون رئيس محترم مولوي الياس خيل "ناصري"، د ترکيې سرې میاشتې استازی محترم احمدزی"احمدی"، د وردک څانګې سرپرست محترم مولوي رفیع الله "منصور" او وردک سرې مياشتې یو شمیر کارکونکو او رضاکارانو په شتون کې ووېشل شوه.
یاده مرسته، چې د ترکیې د سرې میاشتې له لارې د ترکيي خلکو له لوري چمتو شوې وه؛ په کې هرې کورنۍ ته ۲۵ کیلو اوړه، يو کارتن غذائي مواد، یوه بسته ژمنۍ البسه شامل دي وویشل شوه.
