پروان؛ ۱۰ سېلاب ځپلې کورنۍ د غیر خوراکي توکو له مرستې برخمنې شوې
دوشنبه، ۲۲ ذو الحجه ۱۴۴۷
د افغاني سرې میاشتې له لوري د پروان ولایت د کوه صافي ولسوالۍ ۱۰ سېلاب ځپلې کورنۍ د غیر خوراکي توکو له مرستې برخمنې شوې.
د مرستو په لړ کې هغو ۹ کورنیو ته، چې د وروستیو سېلابونو له امله یې کورونه په قسمي ډول نړېدلي وو، د بېړنیو اړتیاوو د پوره کولو په موخه ۱ پلاستیکي ترپال، ۶ کمپلې، د پخلنځي ۱ سیټ او ۳ پلاستیکي صندوقونه ووېشل شول.
سربېره پر دې، هغې یوې کورنۍ ته چې کور یې په بشپړ ډول نړېدلی و، ۱ خېمه، ۱ پلاستیکي ترپال، ۶ کمپلې، د پخلنځي د توکو ۲ سیټونه او ۳ پلاستیکي صندوقونه ورکړل شول.
افغاني سره میاشت هڅه کوي د بېړنیو او غیر خوراکي مرستو له لارې د طبیعي پېښو له امله زیانمنو کورنیو د لومړنیو اړتیاوو په پوره کولو کې مرسته وکړي.
