ننګرهار کې ۲۵۰ بې سرپرسته اړمنو کورنیو ته د څه باندې ۱۹ ټنه خوراکي توکو مرسته ووېشل شوه
سېشنبه، ۱۸ ذو القعده ۱۴۴۷
د افغاني سرې میاشتې له لوري د ننګرهار ولایت د خوګیاڼیو ولسوالۍ ۲۵۰ بې سرپرسته او اړمنو کورنیو ته ۱۹.۲۵۰ ټنه خوراکي توکي ووېشل شول.
یاده مرسته، چې د ترکیې سرې میاشتې په مالي ملاتړ برابره شوې وه، له مخې یې هرې کورنۍ ته ۷۷ کیلو ګرامه خوراکي توکي ورکړل شول.
په دغو توکو کې ۵۰ کیلو اوړه، ۵ لیتره غوړي، ۱۰ کیلو وریژې، ۵ کیلو لوبیا، ۲ کیلو بوره، ۲ کیلو مکروني، نیم کیلو شین چای، یو بوتل د روميانو رُب او درې پاکټه بسکټ شامل وو.
تمه ده چې دغه مرسته به د یادو کورنیو د خوراکي توکو د لنډمهاله اړتیاوو په پوره کولو کې اغېزمنه تمامه شي.
افغاني سره میاشت د طبیعي پېښو او بېړنیو حالاتو پر مهال د زیانمنو او اړمنو کورنیو ملاتړ خپل لومړیتوب ګڼي او هڅه کوي د هغوی لومړنۍ اړتیاوې پر وخت پوره کړي.
