د افغاني سرې میاشتې د زړه روغتون د ۳۵ روغتیايي بستونو لپاره ازموینه ترسره شوه
چهارشنبه، ۲۹ رمضان ۱۴۴۷
کابل کې د افغاني سرې میاشتې د زړه روغتون د ۳۵ روغتیايي بستونو لپاره له نوماندانو تحریري ازموینه واخیستل شوه.
دغه بستونه د وارډ نرسان، د بېړنۍ څانګې نرسان، لابراتوار تخنیکران او ICU نرسان لپاره اعلان شوي وو، چې موخه یې د وړ او مسلکي روغتیاپالانو ګمارنه وه.
یاده ازموینه چې د کارکوونکو چارو ریاست له لوري تنظیم شوې وه، ۱۳۰ تنو نارینه او ښځینه نوماندانو پکې ګډون درلود.
ټاکل شوې ده چې د تحریري ازموینې د پوښتن پاڼو تر ارزونې او تقريري ازموینې وروسته به د بشپړ عدالت او روڼتیا له مخې مخکښ نوماندان په ګوته او پر یادو بستونو وګمارل شي.
افغاني سره میاشت دا ډول ازموینې د شفافیت د تأمین لپاره ترسره کوي، څو وړ او مسلکي اشخاص را جذب او د روغتیايي خدمتونو کچه لا پیاوړې شي.
