کاپیسا کې د غر ښوېدنې له امله زیانمنې کورنۍ ته ۴۰ زره افغانۍ نغدي مرسته ورکړل شوه
یکشنبه، ۲۶ رمضان ۱۴۴۷
افغاني سرې میاشتې د کاپیسا ولایت د مرکز اړوند په شوخیو سیمه کې د غرښویېدنې له امله یوې زیانمنې کورنۍ سره نغدي مرسته وکړه.
په مرسته کې یادې کورنۍ ته، چې د پېښې له امله ورته ځاني او مالي زیانونه اوښتي وو، ۴۰ زره افغانۍ د بېړني ملاتړ او بشري خواخوږي په موخه ورکړل شوې.
افغاني سره میاشت د یوې بې طرفه او بشرپالې ټولنې په توګه هڅه کوي؛ څو د پېښو او ناورینونو له امله زیانمنو شویو کورنیو ته پر وخت بشري مرستې ورسوي.
