کډوالو سره دوامداره مرستې؛ نیمروز کې پر۱۰۰۰ کورنیو خوراکي او غیر خوراکي توکي ووېشل شول
پنجشنبه، ۲۵ رجب ۱۴۴۷
د افغاني سرې میاشتې د عمومي رئیس شیخ الحدیث شهاب الدین دلاور په لارښوونه، د نیمروز ولایت د مرکز زرنج په ګډون په څلورو (دلارام، خاشرود، کنګ، چخانسور) ولسوالیو کې پر ۱۰۰۰ راستنو شوو کډوالو کورنیو ۱۵ قلمه د خوراکي او غیر خوراکي توکو مرسته ووېشل شوه.
په مرسته کې هرې کورنۍ ته ۵۰ کیلو اوړه، ۱۰ کیلو وریژې، ۵ لیټره غوړي، ۵ کیلو بوره، ۱۰ کیلو دال، ۱۰ کیلو مکروني، ۱۰ کیلو نخود، ۲ قطی رُب، ۲ کیلو مالګه، ۱ پاکټ سرېلاک، ۱ کمپله، ۱ بوتل د سر مینځلو شامپو او ۱ بوتل د لوښو مینځلو شامپو ورکړل شوه.
دغه مرسته له یادو کورنیو سره د بېړنیو اړتیاوو د پوره کولو او د اساسي ستونزو را کمولو په موخه ترسره شوه.
