خوست؛ عمومي رئيس د افغاني سرې مياشتې له ملکيتونو ليدنه وکړه
شنبه، ۱۳ رجب ۱۴۴۷
د افغاني سرې مياشتې عمومي رئيس ښاغلي شیخ الحدیث شهاب الدین دلاور، خوست ولایت ته د سفر پر مهال د افغاني سرې میاشتې له بېلابېلو ملکیتونو د لیدنې ترڅنګ د ګودامونو له عمومي وضعیت څخه هم لیدنه وکړه.
ښاغلي دلاور د افغاني سرې میاشتې له ملکیتونو څخه د اغېزمنې او منظمې ګټې اخیستنې په اړه مسؤولینو ته لارښوونې وکړې، ترڅو د دې ملکیتونو څخه په غوره استفادې سره د افغاني سرې میاشتې په عوایدو کې لوړوالی رامنځته شي.
نوموړي دغه راز د ګودامونو په چارو کې د نظم او د توکو د ښه مدیریت ترڅنګ خپلې لازمې سپارښتنې هم وړاندې کړې.
ښاغلي دلاور ټینګار وکړ، چې د افغاني سرې میاشتې مسؤولین او کارکوونکي باید د دې ټولنې د اهدافو او کړنو د پر مخ وړلو لپاره خپلې هڅې لا پیاوړې کړي.
