نورستان کې د افغاني سرې میاشتې له لوري له ۹۰۰ بېوزلو کورنیو سره د خوراکي توکو مرسته پیل شوه!
نن د روان ۱۴۰۰ لمریز کال د مرغومي پر ۶مه د نورستان ولایت په مرکز پارون او اړوندو سیمو کې د افغاني سرې میاشتې ټولنې له لوري ۹۰۰ بېوزله کورنیو ته د خوراکي توکو مرسته پیل شوه.
یاده مرسته چې د ترکیې هېواد د سرې میاشتې له لوري شوې ده؛ په کې ۲۰ کیلو اوړه، ۱۰ کیلو وریژې او ۱۰ لیتره غوړي دي. له یاد شمېر کورنیو څخه نن د مرکز پارون په داشټوی کلي کې ۷۱ کورنیو ته په نورستان ولایت کې د افغاني سرې میاشتې د رییس مولوي نور احمد خان حیدرزي په شتون کې مرسته وویشل شوه او پاتې نورو ۸۲۹ بېوزلو کورنیو ته به په راتلونکو ورځو کې وویشل شي.
