په افغاني سرې میاشت کې خالي بستونو ته څلورمه ازموینه واخیستل شوه!
د سرې میاشتې د عمومي رییس د لارښوونې پر بنسټ نن د ۱۴۰۰ لمریز کال د لیندۍ پر لومړۍ نېټه د دوشنبې په ورځ د سرې میاشتې اړوند د خالي بستونو لپاره له نوماندانو او هغو پخوانیو کارکوونکو څخه تحریري او تقریري ازموینه د ټاکل شوي کمیسیون له لوري واخیستل شوه، چې غواړي خپل اوسني بستونه تبدیل کړي او یا په سره میاشت کې دنده وکړي. په ټاکل شوي کمیسیون کې په ملاتړیزو چارو کې د جنرال سکرتر مرستیال محترم الحاج محمد طیب یوسفزي، د کورنۍ پلټنې رییس مولوي محمد نسیم احمدي، د بشري سرچینو رییس محترم نورالحق یوسفي، د سرې میاشتې د مطبوعاتو امر او ویاند محترم نور اغا صاحبزاده او د بشري سرچینو د ریاست اجرایوي مدیر محمد راوید اعظمي ګډون درلود.
یاده ازموینه چې د خپرونو او اطلاعاتو د ریاست په تالار کې واخیستل شوه؛ په کې ( ۶۸) تنو ګډون کړی وو.
