د سره صلیب د نړیوالې کمیټې د آسیا زون له رئیس سره د افغاني سرې میاشتې ټولنې د سرپرست رئیس ښاغلي مولوي مطیع الحق خالص لیدنه!
نیټه:٢٩-۷-۱۴۰۰
د افغاني سرې میاشتې ټولنې سرپرست رئیس ښاغلي مولوي مطیع الحق خالص د سره صلیب د نړیوالې کمیټې د آسیا زون له ریسې آغلې کریسټن چیپولا، په افغانستان کې د سره صلیب د نړیوالې کمیټې له رئیس ښاغلي ایلوا فیلیون او کوپریشن له ریسې آغلې ”رابرتا“ سره په داسې حال کې وکتل، چې د ملي ټولنې سکرترجنرال ښاغلي ډاکتر محمد نبي برهان هم ګډون درلود.
پدې لیدنه کې په افغانستان کې د سره صلیب او ملي ټولنو د نړیوال غورځنګ پر بشرپاله مرستو او په هیواد کې د سره صلیب د نړیوالې کمیټې پر ٤٠ کلن ماموریت خبرې اترې او همدارنګه د یاد بشرپال غورځنګ د مرستو پر لا پراختیا ټینګار وشو.
