د افغاني سرې میاشتې مرکزي دفتر کې د نوي رغول شوي مسجد او احادیثو دورې د پیل پرانیسته وشوه!
د افغاني سرې میاشتې مرکزي دفتر کې د نوي رغول شوي مسجد او احادیثو دورې د پیل پرانیسته وشوه!
نن چهارشنبه د شوال میاشتې پر ۲۵ مه، د افغاني سرې میاشتې د سرپرست عمومي رئیس ښاغلي شیخ الحدیث شهاب الدین دلاور، د دې خیریه ملي ټولنې مرستیال ښاغلي حافظ عزیز الرحمن، يو شمېر عالمانو او مرکزي دفتر د مسٸولینو په شتون کې د نوي رغول شوي مسجد او په یاد جومات کې له رسمي وخت وړاندې او وروسته د احادیثو لویې دورې د پيل پرانیسته وشوه.
په همدې موخه جوړه شوې ناسته کې سرپرست عمومي رئیس د مسجدونو د رغونې او ساتنې سربېره د عالم د مسؤلیت او علم د ارزښت په هکله تفصيلي وینا وکړه او دغه مسجد یې د جلیل القدر صحابي حضرت عثمان بن عفان جامع جومات په نوم ونوموه.
ورپسې شیخ الحدیث میرمحمد فاروق الهاشمي د افغاني سرې میاشتې د بشرپالو خدماتو ستاينه وکړه او د احادیثو دورې پر پيلېدو يې د خوښۍ ښودلو ترڅنګ دا يو ډېر لوى او غوره اقدام ياد کړ او د دې مسجد په رغونه کې یې ټولو برخه اخیستونکو ته د الله جل جلاله له دربار څخه د عظیم اجر غوښتنه وکړه.
د یادونې وړ ده، چې د یاد مسجد په رغونه څه د پاسه ۲۷ میلیونه افغانۍ لګښت راغلی، چې په یو وخت د ۷۵۰ لمونځ کوونکو د ځایېدو ظرفیت لري.
