د افغاني سرې میاشتې سرپرست سکرتر جنرال په افغانستان کې د چین هېواد د سفارت له مسئولینو سره وکتل!
د افغاني سرې میاشتې سرپرست سکرتر جنرال په افغانستان کې د چین هېواد د سفارت له مسئولینو سره وکتل!
نن دوشنبه د شوال میاشتې پر ۹مه، د افغاني سرې میاشتې سرپرست سکرتر جنرال ښاغلي مولوي روح الله عبدالسلام او مل پلاوي پلازمېنه کابل کې د چین هېواد د سفارت له یو شمېر مسئولینو سره له ګاونډيو هېوادونو د راستنېدونکو کډوالو ستونزو ته د رسېدنې او هغوی ته د سرپناه، بېړنیو روغتیایي مرستو او د خوراکي او غیر خوراکي توکو برخه کې د بشري مرستو د چمتو کولو په موخه ناسته وکړه.
ناسته کې ښاغلي مولوي روح الله د یاد سفارت مسئولینو سره د راستنېدونکو کډوالو ستونزې شریکې کړې او د هغوی لپاره يې د اړینو مرستو برابرولو غوښتنه وکړه.
ورپسې په افغانستان کې د چین هېواد د سفارت مسئولینو د مرستو برابرولو ژمنه وکړه او د راستنېدونکو کډوالو لاسنیوی او ملاتړ یې د ټولو مرستندویه بنسټونو او ملي ټولنو ګډ مسئولیت یاد کړ.
