د کاتب پوهنتون محصلانو په هیواد کې له وروستیو سیلاب څپلیو سره د مرستې په موخه ۷۵۶۲۰ افغانۍ راټولې کړې دي!
په هیواد په ځانګړې توګه په پروان او پنجشیر ولایتونو کې د وروستیو سیلابځپلیو سره د مرستې په موخه د کاتب خصوصي پوهنتون محصلانو او یو شمېر کارکوونکو د روان ۱۳۹۹ کال د تلې پر ١٦ نیټه، (۷۵۶۲۰) افغانۍ د یاد پوهنتون د استازې له لوري د افغانې سرې میاشتې ټولنې مالي ریس ښاغلي طیب یوسفزي ته و سپارلې.
د افغاني سرې میاشتې ټولنه تل هڅه کوي؛ ترڅو د ملي سوداګرو، حاجي صاحبانو، خیرپاله هیوادوالو، خصوصي پانګوالو او خپلو املاکو له لارې له زیانمنو او پیښځپلیو سره مرسته وکړي.
