کابل مرکزي مرستون کې ۳۰۰ تثبیت شویو بې سرپرسته مېرمنو ته د ځان بسياينې په موخه د نغدي مرستو د وېش لړۍ پیل شوه!
کابل مرکزي مرستون کې ۳۰۰ تثبیت شویو بې سرپرسته مېرمنو ته د ځان بسياينې په موخه د نغدي مرستو د وېش لړۍ پیل شوه!
نن سه شنبه د رمضان میاشتې پر ۴ مه، د افغاني سرې میاشتې له لوري د برتانیې هېواد د سره صلیب په مالي مرسته مرکزي مرستون کې د کابل ولایت د بېلابېلو ولسواليو او ناحیو ۱۱۰ هغو بې سرپرسته مېرمنو سره چې د خیاطۍ برخه کې یې تجربه درلوده؛ د خیاطۍ اړوند وسایلو د پېرلو په موخه دوه میلیونه او دوه سوه زره افغانۍ نغدي مرسته ترسره شوه.
د یادې نغدي مرستې د ویش پر مهال د افغاني سرې میاشتې مرستیال ښاغلي حافظ عزیز الرحمن د برتانیې هېواد د سره صلیب له همکارۍ څخه مننه وکړه او دغه مرسته یې د بې سرپرسته مېرمنو د ځان بساینې او لاسنیوي برخه کې ارزښتمنه وګڼله.
همدا راز ښاغلي حافظ عزیز الرحمن زیاته کړه، چې ددغې پروژې له لارې به په کندهار، کندز، پکتیا، هرات او مزارشریف کې هم د هر زون په کچه ۲۰۰ بې سرسته مېرمنو ته تر تثبیت او تشخیص وروسته د خیاطۍ اړوند وسایلو د پېرلو په موخه شل شل زره افغانۍ ورکړل شي او له څه مودې وروسته به د یادو مېرمنو د فعاليتونو تر ارزونې وروسته یو ځل بیا پر هغوی د ځان بسیاینې په موخه پنځلس پنځلس زره افغانۍ ووېشل شي.
د یادونې وړ ده چې پاتې ۱۹۰ تثبیت شویو مېرمنو ته به هم په نږدې ورځو کې د نورو کوچنیو کاروبارونو د رامنځته کولو په پار نغدې پيسې ورکړل شي.
