د افغاني سرې میاشتې سرپرست عمومي رئیس د اسلامي همکاریو د سازمان له استازي سره لیدنه ترسره کړه!
د ۱۴۴۴ سپوږمیز کال د ربیع الثاني پر ۸مه د ښاغلي مولوي مطیع الحق خالص په افغانستان کې د اسلامي همکاریو د سازمان له استازي ښاغلي دکتور سعیدالعیاش سرپه خپل کاري دفتر کې ناسته ترسره کړه. د ناستې په پیل کې د افغاني سرې میاشتې سرپرست عمومی رئیس ښاغلي مولوي مطیع الحق خالص په افغانستان کې د اسلامي همکاریو د سازمان استازي دکتور سعید العیاش ته ښه راغلاست ووایه او د پېښځپلو د لاسنیوي په برخه کې یې د هغوی له مرستو او ژمنو مننه وکړه.ورپسې په افغانستان کې د اسلامي همکاریو د سازمان استازي په خپلو خبرو کې ژمنه وکړه، چې د افغاني سرې میاشتې له لارې به د افغانستان په بېلابېلو ولایتونو کې ( ۴۷۴۰۰) بستې خوراکي توکي وېشي، ترڅنګ یې ددې مرستې سربېره په نېږدې راتلونکي کې د لا ډېرو مرستو چمتو کولو ژمنه هم وکړه.د لیدنې په پای کې د افغاني سرې میاشتې سرپرست عمومي رئیس نوموړي ته د ډاډ ورکولو ترڅنګ ژمنه وکړه، چې مرستې به یې په شفافه او عادلانه توګه پر اړمنو او پېښځپلو کورنیو ووېشل شي.
