لوګر، غزني؛ پر ۱۳۲ سېلاب ځپلو کورنیو ۱ میلیون او ۳۸۶ زره افغانۍ نغدي مرسته ووېشل شوه
یکشنبه، ۱۳ جمادی الأولی ۱۴۴۸
د افغاني سرې میاشتې له لوري د لوګر ولایت په محمد آغې ولسوالۍ کې پر ۱۲۰ او د غزنې ولایت د مرکز په قلعه امیر محمد خان او روضې سیمو کې پر ۱۲ سېلاب ځپلو کورنیو په ټولیزه توګه ۱ میلیون او ۳۸۶ زره افغانۍ نغدي مرسته ووېشل شوه.
دغه مرسته د ملي ټولنو نړیوال فدراسیون له لوري چمتو شوې وه، چې هرې کورنۍ ته ۱۰ زره او ۵۰۰ افغانۍ ورکړل شوې.
د دې مرستې موخه د سېلاب ځپلو کورنیو د بېړنیو او لومړنیو اړتیاوو پوره کول وو؛ څو له دې لارې وکولی شي خپلې اساسي اړتیاوې تر یو حده پوره کړي.
افغاني سره میاشت د سېلابونو او نورو طبیعي پېښو له امله زیانمنو شوو کورنیو ته پر وخت اړینې بشري مرستې رسوي.
