کابل؛ د ننګرهار او نیمروز ګرځنده روغتیايي ټیمونو لپاره د ۶ موټرو د کرایه کولو داوطلبي وشوه
چهارشنبه، ۲۶ ربیعالأول ۱۴۴۸
د افغاني سرې میاشتې د ننګرهار او نیمروز ولایتونو ګرځنده روغتیايي ټیمونو لپاره د ۶ موټرو د کرایه کولو په موخه د دې ادارې په مرکزي دفتر کې د داوطلبۍ ناسته وشوه.
په پام کې ده چې له دغو ۶ موټرو څخه ۴ د ننګرهار او ۲ نور د نیمروز ولایتونو ګرځنده روغتیايي ټیمونو لپاره وکارول شي.
د داوطلبۍ په دغه ناسته کې چې د افغاني سرې میاشتې د تهیه او تدارکاتو آمریت له لوري ترسره شوه، ۱۱ ترانسپورتي شرکتونو ګډون کړی و.
د ګډون کوونکو شرکتونو د اسنادو له کره کتنې او ارزونې وروسته به د موټرو د کرایه کولو قراردادونه له شرایطو سره برابر ګټونکو شرکتونو ته ورکړل شي.
