بادغیس کې ۲۵۰۰ کورنیو ته د افغاني سرې میاشتې له لوري د خوراکي توکو مرسته پیل شوه
د بادغیس ولایت کې د افغاني سرې میاشتې له لوري ۲۵۰۰ اړمنو کورنیو ته د خوراکي توکو د ویش لړۍ پرون د دوشنبې په ورځ د سلواغې پر ۱۸مه پیل شوه. له یادې مرستې څخه به ۱۶۰۰ اړمنو کورنیو ته په مرکز قلعه نو او پاتې ۹۰۰ کورنیو ته په مقر ولسوالۍ کې مرسته وویشل شي.
په یاده مرسته کې ۴۰ کیلو اوړه، ۵ لیتره غوړي، ۵ لیتره وریژې، ۳ کیلو دال نخود، ۵ کیلو لوبیا او ۳ کیلو بوره شتون لري.
افغاني سرې میاشتې د ۱۴۰۰ لمریز کال د سلواغې پر ۳مه هم د بادغیس ولایت د قادس ولسوالۍ په غول چرخ کلي کې له ۱۸۰ زلزله ځپلو کورنیو سره د غیر خوراکي توکو مرسته کړې وه.
