هرات کې ۲ سېلاب ځپلې کورنۍ له نغدي مرستې برخمنې شوې
پنجشنبه، ۱۵ شوال ۱۴۴۷
د افغاني سرې میاشتې له لوري د هرات ولایت د انجیل ولسوالۍ د سروستان په کلي کې ۲ سېلاب ځپلې کورنۍ له نغدي مرستې برخمنې شوې.
په مرسته کې یوه کورنۍ، چې ځاني او مالي زیانونه ورته اوښتي وو، ۳۰ زره افغانۍ او بلې کورنۍ ۱۵ زره افغانۍ ترلاسه کړې.
دغه مرسته د انساني همدردۍ په موخه یادو کورنیو ته ورکړل شوه.
افغاني سره میاشت د هېواد د اړمنو او پېښځپلو وګړو ترڅنګ ولاړه ده او د دوی خدمت او لاسنیوی خپل ایماني او وجداني مسؤولیت ګڼي.
