له زلزلې وروسته د ژمي ساړه؛ بلخ کې ۶۵۰ زلزله ځپلو کورنيو ته ژمني توکي ورکړل شول

پنجشنبه، ۲۵ رجب ۱۴۴۷
افغاني سرې میاشتې د بلخ ولایت د مرکز مزار شریف ښار په اړوندو ناحیو کې له ۶۵۰ زلزله ځپلو کورنیو سره د بېلابېلو ژمنیو توکو مرسته وشوه.
په مرسته کې هرې کورنۍ ته د ماشومانه، نارینه او ښځینه وو جمپرونه، بنیانونه، دستکشې، جرابې، څادرونه، بوټان او یو شمېر نور د اړتیا وړ توکي ورکړل شول.
دغه مرسته له یادو کورنیو سره له سړې هوا څخه د ځان د ښې ساتنې او بشري خواخوږۍ په موخه ترسره شوه.