بلخ کې ۶۵۰ زلزله ځپلو کورنیو سره نږدې ۶۰ ټنه د خوراکي توکو مرسته وشوه
چهارشنبه، ۳ رجب ۱۴۴۷
د افغاني سرې میاشتې له لوري د بلخ ولایت د مرکز مزار شریف اړوند د بېلابېلو ناحیو له ۶۵۰ زلزله ځپلو کورنیو سره ۵۹.۸ ټنه د خوراکي توکو مرسته وشوه.
په مرسته کې هرې کورنۍ ته ۹۲ کیلو خوراکي توکي ورکړل شول، چې ۵۰ کیلو اوړه، ۱۰ لیټره غوړي، ۵ کیلو بوره، ۷ کیلو لوبیا، ۷ کیلو نخود، ۸ کیلو مکروني، ۲ کیلو د رومیانو رُب، ۱ کیلو شین چای او ۲ کیلو مالګه په کې شامله وه.
د دې مرستې په ترلاسه کولو به د یادو کورنیو ورځنۍ او بېړنۍ اړتیاوې تر یوې کچې پوره شي.
د یادونې وړ ده، چې افغاني سره میاشت په خپل ټول توان هڅه کوي، څو له اړمنو، پېښځپلو او بې سرپرسته کورنیو سره په بېلابېلو برخو کې بشري مرستې ترسره کړي.
