دیدار سرپرست ریاست عمومی هلال احمر افغانی با یک تاجر ملی به‌منظور فراهم‌سازی کمک برای معلولین
سه‌شنبه، ۵ محرم‌الحرام ۱۴۴۷
محترم شیخ‌الحدیث شهاب‌الدین دلاور، سرپرست ریاست عمومی هلال احمر افغانی، در دفتر کاری خود با تاجر ملی، محترم نجیب‌الله تلاش، و رئیس بنیاد خیریه سیلاب، سید احمد سیلاب، به‌منظور تهیه کمک برای نیازمندان، عودت‌کنندگان و افراد دارای معلولیت دیدار نمود.
در این دیدار، سرپرست ریاست عمومی هلال احمر افغانی، رسیدگی به مشکلات نیازمندان، آسیب‌دیدگان و افراد دارای معلولیت را مسؤولیت دینی و ایمانی هر مسلمان دانست و خواستار همکاری گسترده تاجران ملی در حمایت از هم‌وطنان بی‌بضاعت گردید.
تاجر ملی، محترم نجیب‌الله تلاش، ضمن اعلام آمادگی برای تهیه و تأمین کمک به نیازمندان و آسیب‌دیدگان، وعده داد که در آینده نزدیک از طریق هلال احمر افغانی به نیازمندان، عودت‌کنندگان و افراد دارای معلولیت کمک‌رسانی خواهد کرد.
