ارزګان ولایت کې د افغاني سرې میاشتې ټولنې له لوري (۵۰۰) اړمنو کورنیو ته مرسته ووېشل سوه!
د جمعه په ورځ د روان ۱۴۰۰ لمریزکال د کب پر ۲۷ مه نېټه د ارزګان ولایت په چهارچینو ولسوالۍ کې د افغاني سرې میاشتې ټولنې له لوري پر ۵۰۰ اړمنو او بېوزلو کورنیو د خوراکي او غیر خوراکي توکو مرسته ووېشل سوه.
یاده مرسته چې د ترکیې هېواد د سرې میاشتې له لوري چمتو شوې وه، هرې کورنۍ ته په کې ۵۰ کیلو اوړه، ۵ لېټره غوړي، ۱ کیلو لوبیا، ۱ بوتل روب، ۲کیلو نخود، ۲ کیلو وریژې، ۱پاکټ آش، ۲ بوتله مربا. او په غیر خوراکي توکو کې ۳ کمپلې، ۴جوړې د ماشومانو جرابې، ۱ جوړه د نارینوو جامې ،۴جوړه د ماشومانو ژمنۍ جامې او یوه د ماشومانو خولۍ شامل وو ، د ارزګان ولایت د سرې میاشتې نمایندګۍ د رییس ښاغلي ثناالحق "حقاني" د ترکیې هېواد استازو او اړوندو مدیرانو په شتون کې ووېشل شوه.
