د ځان بسیاینې پر لور: کندز کې ۵۰ بېسرپرسته کورنیو سره ۱.۵ میلیونه افغانۍ مرسته وشوه
دوشنبه، ۲۸ شعبان ۱۴۴۷
د افغاني سرې میاشتې له لوري په کندز ولایت کې له ۵۰ بې سرپرسته او اړمنو کورنیو سره د کوچنیو کاروبارونو د پیاوړتیا او ځان بسیاینې په موخه ۱.۵ میلیونه افغانۍ نغدي مرسته وشوه.
یاده مرسته د دویم پړاو په ترڅ کې ووېشل شوه، چې هرې کورنۍ ته ۳۰ زره افغانۍ ورکړل شوې، څو خپل اقتصادي وضعیت ښه کړي.
تمه ده، دغه مرسته به د یادو کورنیو لپاره د عاید دوامدارې سرچینې برابرې او پر نورو د هغوی تکیه راکمه کړي.
د یادونې وړ ده، چې تر دې وړاندې هم پر دغو کورنیو په لومړي پړاو کې ۶۵۰ زره افغانۍ وېشل شوې وې.
