خوست کې له راستنو شوو کورنیو سره بېړنۍ بشري مرسته وشوه

پنجشنبه، ۶ جمادی الآخره ۱۴۴۷
د افغاني سرې میاشتې له لوري د خوست ولایت په ګربز او علیشېرو ولسوالیو کې له ۳۰۰ راستنو شوو کډوالو کورنیو سره د بېړني ملاتړ په موخه ۲۸.۸ ټنه د خوراکي توکو مرسته وشوه.
په یاده مرسته کې هرې کورنۍ ته ۵۰ کیلو اوړه، ۲۰ کیلو وریژې، ۲ لیټره غوړي، ۵ کیلو بوره، ۲ کیلو نخود، ۲ کیلو روب، ۱۰ کیلو مکروني، ۵ کیلو خُرما ورکړل شوه.
همدا راز، هرې کورنۍ ته درې چکۍ د ځان مینځلو صابون هم ورکړل شو.