ننګرهار؛ پر راستنو شوو کډوالو درې نیم میلیونه افغانۍ ووېشل شوې
یکشنبه، ۳۰ صَفَر ۱۴۴۷
د افغاني سرې میاشتې له لوري په ننګرهار ولایت کې پر ۱۰۰ راستنو شوو کډوالو کورنیو درې میلیونه او پنځه سوه زره افغانۍ نغدي مرسته ووېشل شوه، چې په کې هرې کورنۍ ته ۳۵،۰۰۰ افغانۍ ورکړل شوې.
راستنېدونکي کډوال، چې ډېری یې د استوګنې، بېکارۍ او د ژوند د لومړنيو اړتياوو پوره کولو برخه کې له ستونزو سره مخ دي، له دې نقدي مرستې سره کولای شي لږ تر لږه خپلې بېړنۍ اړتياوې پوره او تر يو حده اقتصادي ستونزې حل کړي.
افغاني سره میاشت د راستنو شوو کډوالو لاسنيوي ته بشپړه ژمنتيا لري.
