څه د پاسه ۳ میلیونه افغانیو په ارزښت پروژه؛ پکتیا کې لسګونه کسانو ته کاري فرصتونه برابر شول
سې شنبه، ۲۶ محرم الحرام ۱۴۴۷
د افغاني سرې میاشتې له لوري د پکتیا ولایت د ډنډِ پټان ولسوالۍ په بېلابېلو کلیو کې د کار په بدل کې د درې میلیونه، اته اویا زره او اته سوه څلور اتیا (۳،۰۷۸،۸۸۴) افغانیو په ارزښت د پيسو پروژه پیل شوه، چې له مخې به يې ۶۷ تنه مسلکي او غیر مسلکي کاریګرو ته د کار زمینه برابره شي.
یاده پروژه کې به کاریګر د کانالونو د جوړولو تر څنګ، د کارېزونو د پاکولو چارې هم تر سره کړي. دغه راز، هر مسلکي کاریګر ته به په ورځني ډول ۸۰۰ افغانۍ او هر غیر مسلکي کاریګر ته ۴۰۰ افغانۍ ورکړل شي.
