کندهار کې د افغاني سرې میاشتې له لوري ۱۵۸ اړمنو کورنیو ته مرسته ووېشل شوه!
نن چهارشنبه د روان ۱۴۰۰ لمریز کال د کب پر ۱۸مه د کندهار ولایت په شاه ولي کوټ ولسوالۍ کې ۱۵۸ اړمنو کورنیو ته د افغاني سرې میاشتې له لوري د خوراکي او غیر خوراکي توکو مرسته وویشل شوه. یاده مرسته، چې د ترکیې هېواد د سرې میاشتې له لوري چمتو شوې وه؛ په کې ۵۰ کیلو اوړه، ۵ کیلو غوړي، ۱ کیلو لوبیا، ۵ کیلو نخود، ۵ کیلو بوره، دوه نیم کیلو مکروني،۲ کیلو دال، ۱ پاکټ آش، ۲ بوتله مربا، ۳ کمپلې، ۱ جوړه د کوچنيانو بوټان، ۱ جوړه د کوچنیانو دستکشې، ۱ جوړه د کوچنيانو جرابې، ۱ جوړه د سړیو ژمنی لباس، ۳ جوړې د کوچنیانو ژمنی لباس او ۴ جوړې د لویانو جرابې شاملې دي.
