کابل؛ د رضاکارانو د جذب او ډېټابېس د ثبت ۳ ورځنی ښوونيز ورکشاپ پیل شو
یکشنبه، ۹ جمادي الآخر ۱۴۴۷
مرکزي دفتر کې د افغاني سرې میاشتې د ځوانانو او رضاکارانو ریاست اړوند د مرکز او ولایتونو ۴۷ تنو مدیرانو ته د رضاکارانو د جذب او ډېټابیس سیستم کې د ثبت په هکله د پوهاوي درې ورځنی ښوونیز ورکشاپ د سکرتر جنرال عملیاتي مرستیال ښاغلي مولوي روح الله عبدالسلام په شتون کې پیل شو.
د ورکشاپ په پرانیسته کې د سکرتر جنرال عملیاتي مرستیال د اسلام له نظره د رضاکارۍ پر فضیلت او معنوي اهمیت مفصل معلومات وړاندې کړل او زیاته یې کړه چې رضاکاران افغاني سرې میاشتې ته د ملا د تېر حیثت لري او د جذب لپاره یې باید لا ډېرې هڅې وشي.
یاد ورکشاپ کې به اړوندو مدیرانو ته د رضاکارانو د جذب، هغوی سره د اړیکو، ډېټابېس سیستم کې د ثبت او د ملي ټولنو د پېژندنې په اړه لازم معلومات ورکړل شي.
