پکتیا کې له داخلي بېځایه شوو کورنیو سره نږدې ۱۰ میلیونه افغانۍ نغدي مرسته وشوه
پنجشنبه، ۲۷ جمادی الآخره ۱۴۴۷
افغاني سرې میاشتې د پکتیا ولایت په ډنډِ پټان او ځاځي آریوب ولسوالیو کې له ۶۶۰ داخلي بېځایه شوو کورنیو سره نهه میلیونه او نهه سوه زره (۹،۹۰۰،۰۰۰) افغانۍ نغدي مرسته وکړه، چې هرې کورنۍ ته ۱۵ زره افغانۍ ورکړل شوې.
تمه ده، چې دغه نغدي مرسته د یادو کورنیو لپاره د ورځنیو او بېړنیو اړتیاوو په پوره کولو کې اغېزمنه تمامه شي.
د یادونې وړ ده، چې څه موده وړاندې هم په یادو ولسوالیو کې پر ۶۰۰ داخلي بېځایه شوو کورنیو ۹ میلیونه افغانۍ وېشل شوې وې.
