هرات؛ عمومي رئیس د لویدیځ زون رواني ناروغانو د ساتنې او درملنې د مرکز ارزونه وکړه
چهارشنبه، ۱۹ جمادی الآخره ۱۴۴۷
د افغاني سرې میاشتې عمومي رئیس، ښاغلي شیخ الحدیث شهاب الدین دلاور د یو پلاوي په ملتیا هرات کې د لویدیځ زون د رواني ناروغانو د ساتنې او درملنې له مرکز څخه لیدنه وکړه.
لیدنه کې ښاغلي دلاور رواني ناروغانو ته د وړاندې کېدونکو روغتيايي خدمتونو د کیفیت، تفرېح ځایونو، پخلنځي، د پخو خوړو د وېش او استوګنځايونو وضعيت و ارزوه.
نوموړي مسؤولينو ته له ناروغانو سره پر ښه چلند، نېکې رويې، د دوی اړتیاوو ته پر وخت رسېدنې او د پاکوالي په برخه کې پر جدي پاملرنې ټينګار وکړ او هم یې د دوی خدمتونه وستایل.
