هرات، بلخ او فاریاب؛ ۲۰ سېلاب ځپلې کورنۍ له بېړنۍ نغدي مرستې برخمنې شوې
شنبه، ۲۲ ذو القعده ۱۴۴۷
د افغاني سرې میاشتې له لوري د هرات ولایت په کوه زور، ادرسکن، پشتون زرغون او کشک ولسوالیو کې ۱۰ کورنیو، د بلخ ولایت په کشنده، زارې او چارکنت ولسوالیو کې ۷ کورنیو او د فاریاب ولایت په قیصار، ګرزیوان او بلچراغ ولسوالیو کې ۳ سېلاب ځپلو کورنیو ته ۶۰۰ زره افغانۍ بېړنۍ نغدي مرسته ورسول شوه.
دغه کورنۍ د وروستیو سېلابونو له امله له ځاني او مالي زیانونو سره مخ شوې وې.
یاده مرسته د چین سره صلیب په مالي ملاتړ برابره شوې وه، چې له مخې یې هرې کورنۍ ته ۳۰ زره افغانۍ ورکړل شوې.
دغه نغدي مرسته د بېړنیو اړتیاوو د پوره کولو او د زیانمنو کورنیو د لومړنیو ستونزو د کمولو په موخه ترسره شوه.
افغاني سره میاشت هڅه کوي د طبیعي پېښو له امله زیانمنو هېوادوالو ته پر وخت بشري مرستې ورسوي او د هغوی اساسي اړتیاوې پوره کړي.
