نورستان او لغمان ولايتونو کې ۲۱۰۰ اړمنو کورنيو سره بشري مرستې!
د يخ ژمي په موسم کې د بشرې کړاوونو د راکمولو په موخه، د افغاني سرې میاشتې له لورې نورستان ولایت نورګرام او لغمان ولایت علیشنګ ولسوالیو کې ۱۱۵۰ اړمنو سروې شویو کورنیو ته د خوراکي توکو مرسته ترسره شوه. یاده مرسته چې د ملک سلمان خیریه بنسټ او اسلامي همکاریو سازمان (OIC) له لورې چمتو شوی وه، هرې کورنۍ ته په کې ۴۰ کیلو وړه، ۵ کیلو وریژي، ۵ لیتره غوړي، ۵ کیلو لوبیا، ۵ کیلو بوره او ۲ کیلو خرما شامل وو. د یادونې وړ ده، چې تیره ورځ هم د لغمان ولایت مرکز مهترلام بابا کې ۹۵۰ اړمنو کورنیو سره ورته مرسته ترسره شوه.
