ننګرهار!
د يخ ژمي په ترڅ او د بشري مرستو په دوام، د افغاني سرې میاشتې له لورې ننګرهار ولایت خوګیاڼیو ولسوالۍ کې، ۵۰۰ اړمنو سروې شویو کورنیو ته د خوراکي توکو مرسته ترسره شوه. یاده مرسته د ملک سلمان خیریه بنسټ او اسلامي همکاریو سازمان (OIC) له لورې چمتو شوې. په مرسته کې هرې کورنۍ ته ۴۰ کیلو وړه، ۵ کیلو وریژي، ۵ لیتره غوړي، ۵ کیلو لوبیا، ۵ کیلو بوره او ۲ کیلو خرما شامل وو. د یادونې وړ ده، چې له دې وړاندې هم د یاد ولایت په اچین او لعلپورې ولسوالۍ کې ۱۵۰۰ کورنیو سره ورته مرسته ترسره شوې وه.
