ننګرهار ولایت کې د افغاني سرې میاشتې له لوري ۳۲۷ کورنیو سره مرسته ترسره شوه!
چهارشنبه د روان ۱۴۴۳ سپوږمیزکال د رمضان المبارک میاشتې پر ۲۶ مه نېټه د افغاني سرې میاشتې ټولنې له لوري د ننګرهار ولایت د هسکې مېنې ولسوالۍ د چودرې سیمې ۱۲۷ او مرکز ۲۰۰ اړمنو، بېوزلو او بې ځایه شویو کورنیو سره مرسته ترسره شوه.
یاده مرسته، چې د کسټم هلیت فاونډېشن خیریه بنسټ له لوري چمتو شوې وه؛ هرې کورنۍ ته په کې ۴۵ کیلو اوړه، ۵ قوطي بیسکېټ، ۱ کیلو دال، ۱۲ پاکټه شیدې او یوه ۱۴ کیلویي بسته چې پکې ۹ قلمه بېلابېل خوراکي توکي شامل وو، ووېشل شول.
