لوګر کې پر اړمنو او بې وزله کورنیو غوښه ووېشل شوه
یکشنبه، ۱۱ ذو الحجه ۱۴۴۶
د افغاني سرې میاشتې له لوري د ترکیې هېواد د سرې میاشتې په مالي مرسته د لوى اختر په مناسبت د لوګر ولایت په مرکز پل علم کې پر ۱۰۰۰ اړمنو او بې وزله کورنیو د سرپرست عمومي رئیس ښاغلي شیخ الحدیث شهاب الدین دلاور په لاس په ټوله کې ۵ ټنه غوښه ووېشل شوه.
د یادې مرستې د وېش پر مهال ښاغلي دلاور د اړمنو افغانانو د لاسنيوي او ملاتړ برخه کې د ترکیې هېواد له بشردوستانه مرستو مننه وکړه، د الله تعالی له دربار څخه یې دوی ته د خیر د بدلې دعاء وکړه او هم يې د افغان ولس سره د مرستو د پراختيا غوښتنه وکړه.
په یاده مرسته کې هرې کورنۍ ته ۵ کیلو ګرامه غوښه ورکړل شوه.
